لکھنؤ، 9 اکتوبر (یو این آئی) بہوجن سماج پارٹی (بی ایس پی) کی صدر اور اترپردیش کی سابق وزیراعلی مایاوتی نے کہا ہے کہ مرکزی تفتیسی بیورو (سی بی آئی) مرکزی حکومت کے اشارے پر قومی دیہی ہیلتھ مشن (این آر ایچ ایم) کے معاملے میں انہیں پھنسانے کی کوشش کررہی ہے۔
محترمہ مایاوتی نے آج یہاں پارٹی کے بانی
کانشی رام کی 9 ویں برسی کے موقع پر انہیں خراج عقیدت پیش کرنے کے لئے منعقدہ جلسے کو خطاب کرتے ہوئے بھارتیہ جنتا پارٹی (بی جے پی) کی زیرقیادت مرکزی حکومت پر سی بی آئی کے بیجا استعمال کرنے کا الزام لگاتے ہوئے کہا کہ اس سے قبل تاج کوریڈور معاملے میں اسوقت کی قومی جمہوری اتحاد (این ڈی اے) حکومت نے سی بی آئی انکوائری کے نام پر انہیں پھنسانے کی ناکام کوشش کی تھی۔